Ҡәҙерле уҡыусылар, уҡытыусылар һәм ата-әсәләр!
| 29.12.2018 |
|
Ҡәҙерле уҡыусылар, уҡытыусылар һәм ата-әсәләр!
Һеҙҙе кешеләрҙе берләштереүсе, һәр кемдең тормошона шатлыҡ индереүсе, ғүмерҙең яңы бер мәле башланыуын билдәләүсе мөғжизәле байрам — Яңы йыл — менән ҡотлайбыҙ!
Беҙгә өмөттәр бүләк итеп, хыялдарыбыҙҙы тормошҡа ашырған, ҙур еңеүҙәр килтергән 2018 йыл да тиҙҙән тарих биттәрендә ҡалып, күңел йылыһы, тылсым бүләк иткән Яңы – 2019 йыл киләсәк. Етеп килгән Яңы йыл һәр ҡайһыбыҙ өсөн дә шатлыҡ-ҡыуаныстарға бай һәм имен булһын!
Ҡәҙерле уҡыусылар! Һеҙгә Яңы йылда уҡыуығыҙҙа, спорт, фән һәм ижад өлкәләрендә ҙур уңыштар, ынтылыштар, еңеүҙәр теләйбеҙ! Изге хыялдарығыҙ тормошҡа ашһын, һәр көнөгөҙ шатлыҡ-ҡыуаныстар менән үтһен!
Хөрмәтле уҡытыусылар, коллегалар! Яңы йыл һеҙгә тик яҡтылыҡ, эшегеҙҙә һәм шәхси тормошоғоҙҙа сағыу тәьҫораттар, ҡыуаныс алып килһен! Һеҙгә һәм ғаиләләрегеҙгә именлек, рух ныҡлығы, муллыҡ теләйбеҙ, барлыҡ изге эшегеҙҙә илһам һәм уңыш юлдаш булһын!
Беҙ оло йөрәк хистәре менән балаларын бағып үҫтергән һәм тәрбиәләгән ата-әсәләргә лә байрам ҡотлауҙарын юллайбыҙ! Балаларығыҙ һеҙҙе һәр ваҡыт яҡшы уҡыуы, матур тәрбиәһе, маҡсатҡа ынтылыусанлығы, тырышлығы менән ҡыуандырып торһон! Яңы йыл яҡшы ваҡиғаларға йомарт булһын, хыялдарыбыҙҙы һәм көткән өмөттәребеҙҙе аҡлаһын!
Яңы йыл байрамында лицейыбыҙҙың бөгөнгөһө өсөн күп көс һалған һәм киләсәгебеҙҙе хәстәрләгән оло шәхестәребеҙҙе лә ысын күңелдән ихлас ҡотлайбыҙ! Яңы йыл байрамы тормошоғоҙҙо мөғжизә менән тултырһын, сағыу хис-тойғолар, тәьҫораттар бүләк итһен!
Яңы йыл менән! Һеҙгә барығыҙға ла ныҡлы һаулыҡ, тыныслыҡ, именлек, оло шатлыҡтар ғына кисереп йәшәүегеҙҙе теләйбеҙ! Һәр көнөгөҙҙән көс-дәрт алып, ҡыуаныс-мөхәббәткә сорналып ғүмер итегеҙ! Яңы йыл менән! Аҡ бәхеттәр һеҙгә!
Ҡотлауҙар менән,
Мөхәмәт Исҡужин исемендәге
136-cы башҡорт лицейы етәкселеге
